நேரம் பட நாயகி நஸ்ரியாவுக்கு திருமண நிச்சயதார்த்தம் ஆகிவிட்டதால் அவருக்கு வந்த வாய்ப்புகள் அனைத்தும் தற்போது நடிகை ஸ்ரீதிவ்யாவுக்கு செல்கிறதாம்.
வருத்தப்படாத வாலிபர் சங்கத்தில் நடித்த ஸ்ரீதிவ்யா, அந்த படவெற்றிக்கு பின்னர் தற்போது கைவசம் நான்கு படங்கள் வைத்திருக்கிறார். காட்டு மல்லி, நகரபுரம், ஈட்டி, மற்றும் வீர தீர சூரன் ஆகிய படங்களில் நடித்து வருகிறார். இதில் காட்டுமல்லி படம், வருத்தப்படாத வாலிபர் சங்கத்திற்கு முன்பே புக் ஆனபடம். கிடப்பில் போடப்பட்ட இந்த படம், தற்போது ஸ்ரீதிவ்யாவின் திடீர் மார்க்கெட் காரணம் மீண்டும் புத்துயிர் பெறுகிறது.
ஸ்ரீதிவ்யா அதிகம் எதிர்பார்க்கும் படம் வீர தீர சூரன் என்கிறார்கள். சுசீந்திரன் இயக்கத்தில் உருவாகும் இப்படத்தில் ஸ்ரீதிவ்யாவுக்கு மிகவும் அற்புதமான வேடமாம். இந்த படங்கள் ரிலீஸுக்கு பிறகு கோலிவுட்டில் நம்பர் 1 இடத்தை பிடித்துவிடுவேன் என்று நம்பிக்கையுடன் கூறுகிறார் ஸ்ரீதிவ்யா.
ஈட்டி படத்தில் அதர்வாவுடன் நடிக்கும் ஸ்ரீதிவ்யா, இந்த படத்திற்காக வாங்கிய சம்பளம் ரூ.20 லட்சம். வருத்தப்படாத வாலிபர் சங்கம் படத்திற்காக ரூ.2 லட்சம்தான் வாங்கினார் என்பது குறிப்பிடத்தக்கது. ஐதராபாத்தை சேர்ந்த ஸ்ரீதிவ்யாவின் சகோதரி ஸ்ரீரம்யாவும் நடிகை என்பது குறிப்பிடத்தக்கது. வரும் 2015ஆம் ஆண்டில் ஸ்ரீதிவ்யா கண்டிப்பாக ரூ.1 கோடி சம்பளம் பெறுவார் என்கிறது கோலிவுட்>
