15 வருஷத்துக்கு முன்பு பார்த்த அதே விஜய்யை இப்போதும் பார்க்கின்றேன். ஸ்ரீமன்
இளையதளபதி விஜய் நடித்த ‘தெறி’ உலகம் முழுவதும் மாபெரும் வெற்றி பெற்றதை அடுத்து தற்போது அவர் பரதன் இயக்கத்தில் ‘விஜய் 60’ என்ற படத்தின் படப்பிடிப்பில் கலந்து கொண்டுள்ளார். இந்த படத்தில் விஜய்க்கு ஜோடியாக கீர்த்தி சுரேஷ், மற்றும் வில்லன்களாகஜெகபதி பாபு, டேனியல் பாலாஜி ஆகியோர் நடித்து வருகின்றனர். சதீஷ் இந்த படத்தின் காமெடி ரோலை ஏற்றுள்ளார்.
இந்நிலையில் விஜய்யுடன் ப்ரெண்ட்ஸ், வில்லு, சுறா உள்பட பல படங்களில் நடித்த நடிகர் ஸ்ரீமன், ‘விஜய் 60’ படத்தில் ஒரு முக்கிய கேரக்டரில் நடிக்கவுள்ளார். நேற்றைய விஜய்யுடன் படப்பிடிப்பில் கலந்து கொண்ட ஸ்ரீமன் ,விஜய்யை பார்த்தவுடன் ஆச்சரியம் அடைந்துவிட்டாராம்..
15 வருடங்களுக்கு நான் பார்த்த அதே இளமையான விஜய்யை இப்போதும் பார்க்கின்றேன்.
அவருடைய இளமை, உடல்வாகு, வேகமான நடனம், ஸ்டைல் ஆகியவை இப்போதும் மாறாமல் இருப்பது ஆச்சரியத்தை தருகிறது என்று ஸ்ரீமன் தனது சமூக வலைத்தளத்தில் தெரிவித்துள்ளார்.
‘விஜய் 60’ படத்தின் படப்பிடிப்பு விறுவிறுப்பாக நடைபெற்று வருகிறது. இந்த படம் வரும் 2017ஆம் ஆண்டு பொங்கல் தினத்தில் வெளியாகும் என எதிர்பார்க்கப்படுகிறது.
