ஐபோனை கண்டுபிடித்தது ஸ்டீவ் ஜாப்ஸ் இல்லையாம். அமெரிக்க எம்.பி.யின் சர்ச்சைக்கருத்து
ஐபோனை கண்டுபிடித்தது ஸ்டீவ் ஜாப்ஸ் என்று அனைவரும் நம்பிக்கொண்டிருக்கும் நிலையில் அவர் ஐபோனை கண்டுபிடிக்கவில்லை என்றும், அமெரிக்க அரசின் மத்திய ஆராய்ச்சி நிறுவனங்களால் கண்டிபிடிக்கப்பட்டதை அனைத்தையும் ஸ்டீவ் ஜாப்ஸ் ஒன்றாக இணைத்து ஐபோனை உருவாக்கினார் என்றும் அமெரிக்க பாராளுமன்ற உறுப்பினர் நான்சி பெலோசி சர்ச்சைக் கூறிய கருத்து ஒன்றை வெளியிட்டுள்ளதால் பெரும் பரபரப்பு ஏற்பட்டுள்ளது.
சமீபத்தில் அமெரிக்காவில் நடைபெற்ற நிகழ்ச்சி ஒன்றில் பேசிய பாராளுமன்ற உறுப்பினர் நான்சி பெலோசி “எல்லோரிடமும் ஸ்மார்ட்போன் இருக்கு இல்லையா (ஐபோனை காட்டியப்படி), இதில் உள்ள கிட்டத்தட்ட அனைத்தும் அமெரிக்க அரசின் முதலீடுகள் மற்றும் ஆராய்ச்சியில் இருந்து வந்தது.
ஜி.பி.எஸ். எல்.இ.டி. பிளாட் திரை, டிஜிட்டல் கேமரா, வயர்லெஸ் தரவு சுருக்கம் உட்பட முக்கியமான அனைத்தும் அரசின் ஆராய்ச்சியில் உருவாக்கப்பட்டது. ஸ்டீவ் ஜாப்ஸ் இவை அனைத்தையும் ஒன்றாக இணைத்து ஐபோனை உருவாக்கினார். ஆனால் அதில் உள்ள முக்கிய தொழில்நுட்பங்கள் மத்திய ஆராய்ச்சி நிறுவனங்களால் கண்டிபிடிக்கப்பட்டது. எனவே முழுக்க முழுக்க ஐபோன், ஸ்டீவ் ஜாப்ஸ் கண்டுபிடித்தது அல்ல என்று தெரிவித்தார்.
நான்சி பெலோசியின் கருத்தை முற்றிலும் நிராகரிக்க முடியாது என்று சிலர் அவருக்கு ஆதரவாக கருத்து தெரிவித்துள்ளனர்.
Chennai Today News: Steve Jobs did’t invent iphone says US MP
