கிரண்பேடிக்கு வலுக்கும் எதிர்ப்பு: புதுவையில் வரும் 8ஆம் தேதி கடையடைப்பு!!
புதுச்சேரி கவர்னர் கிரண்பேடியை பதவியில் இருந்து நீக்கக் கோரி வரும் 8ஆம் தேதி புதுச்சேரியில் கடையடைப்பு நடத்த காங்கிரஸ் அழைப்பு விடுத்துள்ளது.
புதுச்சேரி முதல்வர் நாராயணசாமியின் அனுமதி பெறாமலே மூன்று பாஜக நியமன எம்எல்ஏக்களுக்கு கவர்னர் கிரண்பேடி பதவிப் பிரமாணம் செய்து வைத்தார். முன்னதாக ஆட்சி நிர்வாகத்தில் கிரண் பேடி தேவையில்லாமல் தலையிட்டு வருகிறார் என்று முதல்வர் நாராயணசாமி கடுமையான எதிர்ப்பு தெரிவித்து வந்தார். இந்த நிலையில், புதுச்சேரி கவர்னர் பதவியில் இருந்து கிரண் பேடியை வெளியேற வேண்டும் என்ற கோரிக்கையை வலியுறுத்தி வருகின்ற 8 ஆம் தேதி கடையடைப்புக்கு காங்கிரஸ் அழைப்பு விடுத்துள்ளது.
காரைக்காலில் 11 ஆம் தேதி கடையடைப்பு போராட்டம் நடைபெறும் என்று அறிவிக்கப்பட்டுள்ளது. இந்நிலையில் கிரண் பேடியின் இந்த செயலை கண்டித்து முதலமைச்சர் நாராயணசாமி இன்று டெல்லியில் குடியரசுத் தலைவரை சந்தித்து புகார் தெரிவிக்க உள்ளார். இதே நாளில் கிரண் பேடியும் குடியரசுத் தலைவரை சந்திக்க செல்வார் என்று கூறப்படுகிறது .
