‘பாகுபலி’க்கு இணையாக சுந்தர் சி இயக்கும் படம்.
இந்திய சினிமா உலகையே திரும்பி பார்க்க வைத்த படம் என்றால் அது ‘பாகுபலி’ என்பதில் மாற்றுக்கருத்து இருக்க முடியாது. இந்நிலையில் இதே போன்ற பிரமாண்டமான படம் ஒன்றை இயக்க சுந்தர் சி முடிவு செய்திருப்பதாகவும் இந்த படத்தை ஸ்ரீதேனாண்டாள் பிலிம்ஸ் நிறுவனம் தயாரிக்கவுள்ளதாகவும் செய்திகள் வெளிவந்துள்ளது.
தமிழ், தெலுங்கு, இந்தி என 3 மொழிகளில் இந்த படத்தை தயாரிக்க முடிவு செய்திருப்பதாகவும் இந்த படத்தில் நாயகனாக நடிக்க சூர்யாவுடன் பேச்சுவார்த்தை நடத்தி வருவதாகவும் ஸ்ரீதேனாண்டாள் பிலிம்ஸ் தரப்பினர் கூறியுள்ளனர்.
மேலும் இந்த படத்தின் ஒளிப்பதிவாளராக திரு, கலை இயக்குனராக சாபு சிரில், கிராபிக்ஸ் டிசைனராக கமலக்கண்ணன் ஆகியோர் ஒப்பந்தம் செய்திருப்பதாகவும் இந்த படத்திற்கு இசையமைக்க இளையராஜாவிடம் பேச்சுவார்த்தை நடத்தப்பட்டு வருவதாகவும் கூறப்படுகிறது
இந்த படம் ஸ்ரீதேனாண்டாள் பிலிம்ஸ் தயாரிக்கும் 100வது படம் என்பது குறிப்பிடத்தக்கது.
