சிவாஜி குடும்பத்தின் மீன் குழம்பை பாராட்டிய ரஜினிகாந்த்
நடிகர் திலகம் சிவாஜி கணேசனின் பேரனும், மச்சி, சக்ஸஸ் ஆகிய படங்களின் ஹீரோவுமான துஷ்யந்த் புதிய திரைப்பட தயாரிப்பு நிறுவனத்தை தொடங்கியுள்ளார். ‘ஈஷான் புரொடக்ஷன்ஸ்’ என்ற பெயரில் உருவாகியுள்ள இந்த நிறுவனம் தயாரிக்கும் முதல் படத்தின் பெயர் ‘மீன் குழம்பும் மண் பானையும்’ ஆகும்.
இந்த படத்தின் முக்கிய வேடத்தில் பிரபு மற்றும் நாயகியாக சந்தானம் நடித்த இனிமே இப்படித்தான்’ படத்தில் நடித்த ஆஷ்னா சவேரி நடிக்கின்றார். மேலும் எம்.எஸ்.பாஸ்கர், காளிதாஸ் ஜெயராம் உள்பட பலர் நடிக்கின்றனர். டி.இமான் இந்த படத்திற்கு இசையமைக்கின்றார்.
இந்த படத்தின் முக்கிய காட்சிகள் மலேசியாவில் படமாக்கப்பட இருப்பதால் லொகேஷன் பார்க்க சமீபத்தில் துஷ்யந்தன் மற்றும் அமுதேஷ்வர் ஆகியோர் மலேசியாவுக்கு சென்றனர். அப்போது மலேசியாவில் ‘கபாலி’ படப்பிடிப்பில் இருந்த சூப்பர் ஸ்டார் ரஜினிகாந்த் அவர்களை சந்தித்து தங்களது புதிய நிறுவனம், மற்றும் புதிய படம் குறித்து தெரிவித்து அவரிடம் ஆசி பெற்றனர். இந்த படத்தின் தலைப்பே வித்தியாசமாக இருந்ததால் இந்த படம் கண்டிப்பாக வெற்றி பெறும் என்று ரஜினிகாந்த் வாழ்த்து தெரிவித்துள்ளார்.
