கோலிவுட் திரையுலகில் மாஸ் நடிகர் என்றால் அது அஜீத் மற்றும் விஜய் ஆகிய இருவரை மட்டும்தான் திரையுலகினர்களும், விநியோகிஸ்தர்களும், தயாரிப்பாளர்களும் ஏற்றுக்கொண்டுள்ளனர். இவர்கள் இருவரது படங்கள் மிகப்பெரிய ஓப்பனிங் கொடுப்பதால் செலவு செய்த பணம் முதல் மூன்று நாட்களிலேயே கிட்டத்தட்ட திரும்ப வந்துவிடும் என்பது உண்மை. அதன்பின்னர் படத்தின் ரிசல்ட்டை பொறுத்து வசூல் இருக்கும்.
இந்நிலையில் இவர்களுக்கு இருவருக்கும் அடுத்த நிலையில் உள்ள சூர்யாவும் சமீபத்தில் மாஸ்’ படம் வெளியிட்டதில் இருந்து மாஸ் நடிகர்களின் பட்டியலில் இடம்பெற்றுள்ளதாக கூறப்படுகிறது. இந்நிலையில் டுவிட்டரில் விஜய்யை விட அதிக ஃபாலோயர்களை சூர்யாவின் டுவிட்டர் பக்கம் பெற்றுள்ளதாக செய்திகள் வெளிவந்துள்ளது.
விஜய்யின் டுவிட்டர் பக்கத்திற்கு 232,800 ஃபாலோயர்களும், சூர்யாவின் டுவிட்டர் பக்கத்திற்கு 232,900 ஃபாலோயர்களும் உள்ளது. சூர்யா சில நாட்களுக்கு முன்னர்தான் டுவிட்டரில் இணைந்தார் என்பது குறிப்பிடத்தக்கது. டுவிட்டரில் அறிமுகமான சில நாட்களிலேயே விஜய்யை பின்னுக்கு தள்ளிவிட்டதால், மாஸ் நடிகர்களின் பட்டியலில் சூர்யாவும் இடம்பிடித்துவிட்டதாக சூர்யாவின் ரசிகர்கள் கூறிவருகின்றனர்.
ஆனால் விநியோகிஸ்தர் தரப்பில் இருந்து வந்துள்ள செய்தியின் படி, சமீபத்தில் ரிலீசான ‘மாசு’ படத்தின் கலெக்ஷனில் திருப்தி இல்லை என்று கூறப்படுகிறது.
