சூர்யாவின் சிங்கிள் பாடல் ரிலீஸ் தேதி அறிவிப்பு
சூர்யா நடிப்பில் இயக்குனர் விக்ரம்குமார் இயக்கிய ’24’ படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படம் வரும் ஏப்ரல் 29ஆம் தேதி வெளியாகும் என எதிர்பார்க்கப்படுகிறது.
இந்நிலையில் இந்த படத்தின் டீசர் சமீபத்தில் வெளியாகி சூர்யா ரசிகர்களின் மாபெரும் வரவேற்பை பெற்றது. வயதான வேடம், விஞ்ஞானி வேடம், இளைஞர் வேடம் என மூன்று வித்தியாசமான வேடங்களில் சூர்யா நடித்துள்ள இந்த படத்தில் சமந்தா மற்றும் நித்யாமேனன் ஆகியோர் அவருக்கு ஜோடியாக நடித்துள்ளனர். ஏ.ஆர்.ரஹ்மான் இசையமைத்துள்ள இந்த படத்தை சூர்யாவின் சொந்த நிறுவனமான 2D எண்டர்டெயின்மெண்ட் தயாரித்துள்ளது.
இந்நிலையில் ’24’ படத்தின் சிங்கிள் பாடல் ஒன்று வரும் 14ஆம் தேதி காலை 11மணிக்கு வெளியாகவுள்ளதாக படக்குழுவினர் தெரிவித்துள்ளனர். இந்த பாடலை கவியரசர் வைரமுத்து எழுதியுள்ளதாகவும், பென்னி தயால் பாடியுள்ளதாகவும் கூறப்படுகிறது. டீசரை அடுத்து இந்த சிங்கிள் பாடலையும் சூர்யாவின் ரசிகர்கள் சூப்பர் ஹிட் ஆக்குவார்கள் என எதிர்பார்க்கப்படுகிறது.
