சூர்யாவின் அடுத்த படத்தில் விஜய் நாயகி?
ஹரி இயக்கி வரும் ‘எஸ் 3’ படத்தின் படப்பிடிப்பில் உள்ள சூர்யா, அடுத்ததாக ‘கொம்பன்’ முத்தையா இயக்கவுள்ள கிராமப்புற ஆக்சன் படத்தில் நடிக்கவுள்ளார். இந்த படம் உறுதி செய்யப்பட்டுள்ள நிலையில் இந்த படத்தின் நாயகியாக கீர்த்தி சுரேஷ் நடிக்கவுள்ளதாக கூறப்படுகிறது.
சிவகார்த்திகேயனுடன் ‘ரெமோ’ படத்தில் நடித்து முடித்துள்ள கீர்த்திசுரேஷ் தற்போது இளையதளபதி விஜய் நடித்து வரும் ‘விஜய் 60’ படத்தில் நடித்து வருகிறார்.
இந்த படத்தின் படப்பிடிப்பும் கிட்டத்தட்ட இறுதிக்கட்டத்தில் உள்ள நிலையில் அவர் தற்போது சூர்யாவின் படத்திற்காக பேச்சுவார்த்தை நடத்தி வருகிறார்.
கீர்த்திசுரேஷின் முதல் படமான ‘இது என்ன மாயம்’ சுமாரான வெற்றியை தந்தபோதிலும், சிவகார்த்திகேயனுடன் நடித்த ‘ரஜினிமுருகன்’ சூப்பர் ஹிட் ஆனதால் கோலிவுட்டின் முன்னணி நடிகைகளின் பட்டியலில் அவர் இடம்பெற்றுள்ளார்.
‘ரெமோ’ மற்றும் ‘விஜய் 60’ படங்கள் ரிலீசுக்கு பின்னர் அவர் உச்சத்திற்கு செல்ல வாய்ப்பு இருப்பதாக கோலிவுட்டினர் தெரிவித்து வருகின்றனர்.,
