ரிலீசே ஆகவில்லை. அதற்குள் ரூ.100 கோடி வசூல் செய்ததா ‘சிங்கம் 3?
சூர்யாவின் சிங்கம் படத்தின் 3ஆம் பாகமான ‘சி3’ திரைப்படம் விநியோகிஸ்தர்களின் முன்பணத்தின் மூலமே ரூ.100 கோடி வியாபாரம் ஆகிவிட்டதாகவும் இந்த படம் கண்டிப்பாக ரூ.200 கோடி வசூல் செய்யும் என்றும் இதன் தயாரிப்பாளர் ஞானவேல்ராஜா கூறியுள்ளது.
நேற்று நடைபெற்ற இந்த படத்தின் பத்திரிகையாளர் சந்திப்பில் பேசிய ஞானவேல்ராஜா, இந்த படத்திற்காக சூர்யா தனது அதிகபட்ச உழைப்பை கொடுத்துள்ளதாகவும், அவர் தனக்கு தொடர்ந்து செய்து வரும் உதவிக்கு நன்றி கூறிக்கொள்வதாகவும் தெரிவித்துள்ளார்.
மேலும் இந்த கூட்டத்தில் பேசிய ஹரி, ‘ஆறு’, ‘வேல்’ மற்றும் சிங்கம் படத்தின் மூன்று பாகங்கள் என சூர்யாவுடன் தான் ஐந்து படங்களில் பணிபுரிந்துள்ளதாகவும் இந்த ஐந்து படங்களில் தான் சூர்யாவுடன் பணிபுரிந்தபோது மிகுந்த புத்துணர்ச்சியை பெற்றதாகவும் அவர் தெரிவித்தார்.
இந்த படம் தனக்கு ஒரு தனித்த அடையாளத்தை கொடுத்துள்ளதாக கூறிய சூர்யா, கண்டிப்பாக இந்த படத்தை ரசிகர்கள் வெற்றி பெற வைப்பார்கள் என்று நம்பிக்கை தெரிவித்தார்.
