தி.நகர் சென்னை சில்க்ஸ் கடையில் தீவிபத்து. கட்டிடம் இடிய வாய்ப்புள்ளதால் பரபரப்பு
சென்னை தி.நகரில் உள்ள ஏழு மாடி கட்டிடத்தில் சென்னை சில்க்ஸ் மற்றும் குமரன் ஜூவல்லர்ஸ் இயங்கி வருகிறது. இந்த கட்டிடத்தில் இன்று அதிகாலை 5 மணி அளவில் தீவிபத்து ஏற்பட்டு தீ மளமளவென கடை முழுவதும் பரவியுள்ளது.
தகவல் அறிந்த தீயணைப்புப்படையினர் ஆறு வாகனங்களில் விரைந்து வந்து தீயை அணைக்கும் பணியில் ஈடுபட்டுள்ளனர். முதல்கட்டமாக கடையினுள் இருந்த 12 பேர்களை ஹைட்ராலிக் வாகனம் மூலம் காப்பாற்றிய தீயணைப்பு படையினர் தொடர்ந்து தீயை கட்டுப்படுத்த தீவிர முயற்சியில் ஈடுபட்டு வருகின்றனர்.
இந்த நிலையில் தீ விபத்தால் ஏற்பட்ட வெப்பம் காரணமாக, கடையில் வைக்கப்பட்டிருந்த கண்ணாடிகள் வெடித்துச் சிதறி வருவதாகவும் தொடர்ந்து தீ எரிந்து வருவதால், கட்டிடம் பலவீனமடையும் சூழல் இருப்பதாகவும் கூறப்படுகிறது
எனவே அந்த பகுதியில் மக்கள் யாரும் கூடாத வகையில் போலிஸ் பாதுகாப்பு போடப்பட்டுள்ளது. அதுமட்டுமின்றி உஸ்மான் சாலையில் போக்குவரத்து நிறுத்தப்பட்டுள்ளது. மேலும் சென்னை சில்க்ஸ் அமைந்துள்ள பகுதி, அபாயகரமானது என அறிவிக்கப்பட்டுள்ளது.
