நெடுவாசல் போராட்டத்திற்கு நியூயார்க் தமிழர்கள் ஆதரவு
ஜல்லிக்கட்டு, தமிழக அரசியல் குழப்ப நிலையை அடுத்து ஊடகங்களுக்கு பிரேக்கிங் செய்தி கிடைத்துவிட்டது. ஆரம்பத்தில் புதுக்கோட்டை பகுதி மக்கள் மட்டுமே எதிர்ப்பு தெரிவித்த நெடுவாசல் ஹைட்ரோகார்பன் திட்டத்திற்கு தற்போது தமிழகம் முழுவதிலும் இருந்து குரல் எழும்ப தொடங்கிவிட்டது.
இந்நிலையில் தமிழகத்தில் மட்டுமின்றி இந்த போராட்டத்திற்கு ஆதரவாக வெளிநாடுகளிலும் தமிழர்கள் போராட்டங்களில் ஈடுபட்டு வருகின்றனர். குறிப்பாக அமெரிக்காவின் நியூயார்க்கில் “தமிழ்ஸ் ஆப் கிரேட் ராச்செஸ்டர் ” என்ற தமிழ் மக்கள் சங்கத்தின் சார்பில் நேற்று ஏராளமான தமிழார்கள் #SaveNeduvasal என்ற பதாகைகள் ஏந்தி இந்திய அரசுக்கு அவர்கள் தங்கள் எதிர்ப்பை தெரிவித்துள்ளனர்.
மேலும் சென்னை மெரீனவில் மாணவர்கள் களமிறங்கியது போல நெடுவாசலிலும் களமிறங்க உள்ளதால் இந்த பிரச்சனை பூதாகரமாக வாய்ப்பு உள்ளதாக ஊடகங்கள் தெரிவிக்கின்றன. அதற்குள் மத்திய அரசு இந்த பிரச்சனைக்கு உரிய முறையில் தீர்வு காண வேண்டும் என்பதே அனைவரின் விருப்பம் ஆகும்
