இந்தியா, ஆஸ்திரேலியா, இங்கிலாந்து ஆகிய மூன்று நாடுகளுக்கு இடையே நடைபெற்ற முத்தரப்பு கிரிக்கெட் போட்டியின் முக்கிய ஆட்டத்தில் நேற்று இந்தியா தோல்வி அடைந்ததால் போட்டியில் இருந்து வெளியேறியது.
முத்தரப்பு கிரிக்கெட் போட்டியில் ஏற்கனவே ஆஸ்திரேலிய அணி இறுதிப்போட்டிக்கு தகுதி பெற்ற நிலையில் அந்த அணியுடன் போட்டியிடப்போகும் அணி எது என்ற முக்கிய போட்டி நேற்று நடைபெற்றது. இங்கிலாந்து மற்றும் இந்தியா மோதிய இந்த போட்டியில் டாஸ் வென்ற இங்கிலாந்து அணி இந்திய அணியை பேட்டிங் செய்யுமாறு கேட்டுக்கொண்டது.\
முதலில் பேட்டிங் செய்த இந்திய அணி, முதல் விக்கெட்டுக்கு 83 ரன்கள் எடுத்தபோதிலும் அடுத்தடுத்து வந்த பேட்ஸ்மேன்கள் சொதப்பியதால் 48.1 ஓவர்களில் 200 ரன்களுக்கு இந்தியா அனைத்து விக்கெட்டுக்களையும் இழந்தது.
201 ரன்கள் வெற்றி என்ற நிலையில் களமிறங்கிய இங்கிலாந்து அணி, 46.5 ஓவர்களில் 201 ரன்கள் எடுத்து இறுதிப்போட்டிக்கு தகுதி பெற்றது.
ஸ்கோர் போர்டு:
இந்தியா 200/10 48.1 ஓவர்கள்
ரஹானே 73
தவான் 38
தோனி 17
ராயுடு 12
ஷமி 25
இங்கிலாந்து 46.5 ஓவர்களில் 201
டெய்லர் 82
பட்லர் 67
எம்.எம்.அலி 17
பெல் 10
ஆட்டநாயகனாக டெய்லர் தேர்வு செய்யப்பட்டார். வெற்றி பெற்ற இங்கிலாந்து அணி, பிப்ரவரி 1ஆம் தேதி இறுதிப்போட்டியில் ஆஸ்திரேலியா அணியுடன் மோதுகிறது.
