பல்கேரியாவில் ‘தல 57 படத்தின் முதல்கட்ட படப்பிடிப்பு.
அஜித் நடிக்கவுள்ள ‘தல 57’ படத்தின் பூஜை சமீபத்தில் நடைபெற்றது என்பதும் இந்த பூஜையில் சிறுத்தை சிவா, அனிருத், ஸ்டண்ட் இயக்குனர் ‘ஸ்டண்ட் சில்வா உள்பட பலர் கலந்து கொண்டனர் என்பதும் அனைவரும் அறிந்ததே. இந்நிலையில் இந்த படத்தின் படப்பிடிப்பு எந்த நாட்டில் தொடங்கவுள்ளது என்பது குறித்த தகவல் தற்போது கிடைத்துள்ளது.
கடந்த சில வாரங்களுக்கு முன்னர் இந்த படத்தின் இயக்குனர் சிவா, பல்கேரியா நாட்டிற்கு சென்று லொகேஷன் பார்த்துவிட்டு திரும்பியுள்ளதாகவும், அவர் பார்த்து முடிவு செய்த பல்கேரியா லொகேஷனில் இந்த படத்தின் முதல் நாள் படப்பிடிப்பு நடைபெறவுள்ளதாக படக்குழுவினர் தெரிவித்துள்ளனர். மேலும் இந்த படத்தின் 80% படப்பிடிப்புகள் ஐரோப்பிய நாடுகளில் படமாக்க திட்டமிடப்பட்டுள்ளதாகவும் இந்த படத்தில் அஜித் FBI அதிகாரியாக நடிக்கவுள்ளதாகவும் கூறப்படுகிறது.
மேலும் இந்த படத்தில் அஜித்துக்கு இணையாக நாயகிக்கும் ஆக்சன் அதிரடி காட்சிகள் இருப்பதால் அனுஷ்கா நாயகியாக முடிவு செய்யப்பட்டுள்ளதாகவும் இதுகுறித்த அதிகாரபூர்வமான அறிவிப்பு இன்னும் ஒருசில நாட்களில் வெளியாகவுள்ளதாகவும் கூறப்படுகிறது.
இந்த படத்திற்கான பாடல்களை கம்போஸ் செய்யும் பணியை ஏற்கனவே அனிருத் தொடங்கிவிட்ட நிலையில் இந்த படத்தை வரும் 2017ஆம் ஆண்டு பொங்கல் அல்லது ஏப்ரலில் வெளியிட படக்குழுவினர் திட்டமிட்டுள்ளனர்.
