‘தல 57’ லேட்டஸ்ட் அப்டேட்
தல அஜித் நடிப்பில் கடந்த தீபாவளி தினத்தில் வெளியான ‘வேதாளம்’ படத்தை அடுத்து அஜித் எந்த படத்தில் நடிக்கவுள்ளார் என்ற விபரங்கள் அதிகாரபூர்வமாக அறிவிக்கப்படாத நிலையில் தற்போது அவருடைய அடுத்த படமான ‘தல 57’ படத்தின் ஆரம்பகட்ட பணிகள் தொடங்கிவிட்டதாக செய்திகள் வெளிவந்துள்ளது.
சத்யஜோதி பிலிம்ஸ் தியாகராஜன் தயாரிக்கவுள்ள இந்த படத்தை சிறுத்தை சிவா இயக்கவுள்ளார். அஜித்தை இவர் இயக்கவுள்ளது இது மூன்றாவது முறை என்பது குறிப்பிடத்தக்கது. இந்த படத்திற்கு ‘வேதாளம்’ படத்தை அடுத்து மீண்டும் அனிருத் இசையமைக்கவுள்ளார்.
அனிருத் மற்றும் சிறுத்தை சிவா ஆகியோர் தற்போது கொடைக்கானலில் தங்கி இந்த படத்திற்கான பாடல் கம்போஸ் பணிகளில் ஈடுபட்டு வருவதாக தகவல்கள் வெளிவந்துள்ளது. மேலும் இந்த படத்தின் திரைக்கதை முழுவதும் தயாராகிவிட்டதாகவும், வரும் ஜூன் முதல் இந்த படத்தின் படப்பிடிப்பு தொடங்கவுள்ளதாகவும், இந்த படத்தை வரும் பொங்கல் திருநாளில் வெளியிட தயாரிப்பு தரப்பு முடிவு செய்திருப்பதாகவும் கூறப்படுகிறது.
இந்த படத்தில் அஜித் ஜோடியாக நடிக்க அனுஷ்கா மாற்றும் தமன்னா ஆகியோர்களிடம் பேச்சுவார்த்தை நடத்தப்பட்டு வருவதாகவும் இதுகுறித்து அதிகாரபூர்வமான அறிவிப்பு விரைவில் வெளிவரும் என்றும் கூறப்படுகிறது.
