தளபதி 62: விஜய் பிறந்த நாளில் டைட்டிலுடன் கூடிய ஃபர்ஸ்ட்லுக்
பிரபல இயக்குனர் ஏ.ஆர்.முருகதாஸ் இயக்கத்தில் இளையதளபதி விஜய் நடித்து வரும் பெயரிடப்படாத படத்தின் படப்பிடிப்பு விறுவிறுப்பாக நடைபெற்று வரும் நிலையில், இந்த படத்தின் டைட்டில் மற்றும் பர்ஸ்ட் லுக் போஸ்டர் விஜய் பிறந்தநாளை முன்னிட்டு ஜூன் 21-ஆம் தேதி வெளியாக இருப்பதாக படத் தயாரிப்பு நிறுவனமான சன் பிக்சர்ஸ் தனது டுவிட்டரில் அதிகாரப்பூர்வமாக அறிவித்துள்ளது.
இந்த படத்தின் முதற்கட்ட படப்பிடிப்பு ஏற்கனவே முடிந்துவிட்ட நிலையில், அடுத்த கட்ட படப்பிடிப்புக்காக படக்குழு விரைவில் வெளிநாடு செல்லவிருக்கிறது. விஜய்யின் 62-வது படமாக உருவாகும் இந்த படம் சமீபகாலத்தில் நடந்த அரசியல் மற்றும் சமூக பிரச்சனைகளை அலசியிருப்பதாக கூறப்படுகிறது.
இந்த படத்தில் விஜய் ஜோடியாக கீர்த்தி சுரேஷ் நடித்து வருகிறார். அரசியல் சம்பந்தமாக உருவாகும் இந்தப் படத்தில் வரலட்சுமி முக்கிய கதாபாத்திரத்தில் நடிக்கிறார். பழ.கருப்பையா, ராதாரவி இருபெரும் அரசியல் தலைவர்களாக நடிக்கின்றனர். ஜூலை மாத இறுதிக்குள் படப்பிடிப்பை முடிக்க படக்குழுவினர் திட்டமிட்டுள்ளனர்.
