‘வேதாளம்’ ரிலீஸ் தேதி திடீர் மாற்றம். ‘தல’ ரசிகர்கள் அதிர்ச்சி
தல அஜீத் நடித்து முடித்துள்ள ‘வேதாளம்’ திரைப்படத்தின் தயாரிப்பாளர் ஏ.எம்.ரத்னம், தீவிர சாய்பாபா பக்தர் என்பதால் இந்த படத்தின் பூஜை முதல் டிரைலர் வரை வியாழக்கிழமைகளில்தான் ரிலீஸ் ஆகி வருகிறது. இந்நிலையில் இந்த படத்தின் ரிலீஸ் தேதியும் தீபாவளிக்கு முந்தைய வியாழக்கிழமையான நவம்பர் 5ஆம் தேதி ரிலீஸ் ஆகும் என கூறப்பட்டது.
ஆனால் தற்போது இந்த படம் முதன்முதலாக வியாழக்கிழமை செண்டிமெண்ட்டை மீறி, வரும் நவம்பர் 10ஆம் தேதி தீபாவளி தினத்தன்றே ரிலீஸ் ஆகவுள்ளதாக கூறப்படுகிறது. நேற்று இந்த படத்தின் ரிலீஸ் தேதியான நவம்பர் 10 என்பதுடன் கூடிய போஸ்டர் ஒன்றை இந்த படத்தின் ரிலீஸ் உரிமையை பெற்றுள்ள ஐங்கரன் நிறுவனம் வெளியிட்டுள்ளது. எனவே இந்த படத்தின் ரிலீஸ் தேதி தற்போது நவம்பர் 10 என உறுதியாகியுள்ளது. நவம்பர் 5ஆம் தேதியே தல தரிசனம் கிடைக்கும் என எதிர்பார்த்திருந்த அஜீத் ரசிகர்க்ளுக்கு இந்த அறிவிப்பு ஏமாற்றமாகவும், அதிர்ச்சியாகவும் உள்ளது.
அஜீத், ஸ்ருதிஹாசன், லட்சுமிமேனன், கபீர்சிங், சூரி, தம்பிராமையா, ராகுல்தேவ் உள்பட பலர் நடித்துள்ள இந்த படத்தை ‘வீரம்’ சிவா இயக்கி வருகிறார். அனிருத்தின் இசையமைப்பில் ஏ.எம்.ரத்னம் அவர்களின் தயாரிப்பில் உருவாகியுள்ள இந்த படம் அஜீத் ரசிகர்களிடையே பெரும் எதிர்பார்பை ஏற்படுத்தியுள்ளது.
