விஜய்யுடன் காமெடியில் கலக்கும் மொட்டை ராஜேந்திரன்
‘புலி’ படத்தை அடுத்து விஜய் நடித்து வரும் ‘விஜய் 59’ படத்தின் படப்பிடிப்பு விறுவிறுப்பாக நடைபெற்று வருகிறது. போலீஸ் அதிகாரியாக விஜய் நடித்து வரும் இந்த படத்தில் எந்த அளவுக்கு ஆக்சன் காட்சிகள் இருக்கின்றதோ அதே அளவுக்கு காமெடி காட்சிகள் சம அளவில் இருப்பதாக படக்குழுவினர்களிடம் இருந்து தகவல்கள் வெளிவந்துள்ளது.
குறிப்பாக இந்த படத்தில் விஜய்க்கு டிரைவராக நடித்து வரும் மொட்டை ராஜேந்திரன் கிட்டத்தட்ட படம் முழுவதும் விஜய்யுடன் நடித்துள்ளதாகவும், விஜய்யும், மொட்டை ராஜேந்திரனும் நடித்துள்ள காமெடிக்காட்சிகள் விஜய் ரசிகர்களை மட்டுமின்றி அனைத்து ரசிகர்களையும் கவரும் என்றும், ‘பிரண்ட்ஸ்’ படத்தில் வடிவேலுவின் காமெடிக்கு சமமாக இந்த காமெடி காட்சிகள் அமைந்துள்ளதாகவும் கூறப்படுகிறது.
இயக்குனர் அட்லி இயக்கி வரும் இந்த படம் 2016ஆம் ஆண்டு கோடை விடுமுறையில் வெளியிட படக்குழுவினர் திட்டமிட்டுள்ளபர், ஜி.வி.பிரகாஷ் இசையமைத்து வரும் இந்த படத்தின் படப்பிடிப்பை வரும் டிசம்பருக்குள் முடித்துவிட முடிவு செய்துள்ளதாக கூறப்படுகிறது.
