‘விஜய் 59’ படத்தின் டைட்டில் குறித்த முக்கிய செய்தி
இளையதளபதி விஜய் நடித்து வரும் ‘விஜய் 59’ படத்தின் படப்பிடிப்பு சென்னை மற்றும் அதன் சுற்றுப்புற பகுதிகளில் விறுவிறுப்பாக நடைபெற்று வருகிறது. இந்நிலையில் இந்த படத்தின் டைட்டில் ஏறக்குறைய உறுதியாகிவிட்டதாகவும், டைட்டிலுடன் கூடிய ஃபர்ஸ்ட் லுக் வரும் தீபாவளி தினத்தில் வெளியாகவுள்ளதாகவும் படக்குழுவினர்களிடம் இருந்து தகவல்கள் வெளிவந்துள்ளது.
இந்த படத்திற்காக ‘காக்கி’, ‘வெற்றி’ ஆகிய இரண்டு டைட்டில்களை படக்குழுவினர் தேர்வு செய்யவுள்ளதாகவும், இதில் ‘காக்கி’ பட டைட்டிலை வேறு ஒரு இயக்குனர் பதிவு செய்திருப்பதால் அவரிடம் நடத்தப்பட்ட பேச்சுவார்த்தையில் உடன்பாடு ஏற்படாததை அடுத்து ‘வெற்றி’ டைட்டில் கிட்டத்தட்ட உறுதியாகிவிட்டதாக கூறப்படுகிறது. விஜய் ரசிகர்களின் தீபாவளி பரிசாக தீபாவளி தினத்தில் அட்டகாசமான டிசைன்களுடன் கூடிய பர்ஸ்ட் லுக்கும் ‘வெற்றி’ என்ற டைட்டிலுடன் வெளியாகவுள்ளது.
ஏற்கனவே விஜய்யின் தந்தை இயக்குனர் எஸ்.ஏ.சந்திரசேகர் ‘வெற்றி’ என்ற டைட்டிலில் கடந்த 1984ஆம் வருடம் ஒரு படத்தை இயக்கியுள்ளார். சரியாக 31 வருடங்கள் கழித்து மீண்டும் அதே டைட்டிலில் விஜய் நடிக்கும் படத்திற்கு அதே தலைப்பு வைக்கப்படவுள்ளது என்பது ஒரு அபூர்வமான ஒற்றுமையாக கருதப்படுகிறது.
இந்நிலையில் இந்த படத்தின் நேற்றைய படப்பிடிப்பில் மார்க்கெட் போன்ற பிரமாண்ட செட்டில் விஜய், எமிஜாக்சன் சம்பந்தப்பட்ட காட்சிகளின் படப்பிடிப்பு நடைபெற்றதாக கூறப்படுகிறது.
