விமானத்தில் பயணம் செய்ய தகுதியற்றவர்கள் யார்? தயாராகிறது பட்டியல்
விமான பயணத்தின்போது பல்வேறு பிரச்சனைகள் வருவதாக வெளிவரும் செய்திகளை அவ்வப்போது படித்து வருகிறோம். குறிப்பாக பாலியல் தொந்தரவு, சமீபத்தில் சிவசேனா எம்பி ஒருவர் விமான ஊழியர் ஒருவரை செருப்பால் அடித்தது உள்பட பல செய்திகள் வந்து கொண்டிருக்கின்றது
இந்த நிலையில் விமான போக்குவரத்து துறை புதிய விதிமுறைகளை வகுத்துள்ளது. அந்த விதிமுறைகளில் விமானத்தில் பயணிக்க தகுதியற்றவர்கள் என ஒரு பட்டியல் தயார் செய்து அந்த பட்டியலை இன்று வெளியிட்டுள்ளது.
இதன்படி விமானத்திற்குள்ளும், விமான நிலையத்திலும், ரகளையில் ஈடுபடுபவர்கள், சக பயணிகளிடம் தகராறு செய்பவர்கள், விமான நிலைய ஊழியர்களை மிரட்டுவது, தாக்குவது , உள்ளிட்ட செயல்களில் ஈடுபட்டவர்கள் விமானத்தில் பயணிக்க தகுதியற்றவர்கள் என பட்டியலில் சேர்க்கப்பட்டுள்ளது.
இதுபோன்றவர்கள் விமானத்தில் பயணிக்க தடை விதிக்கப்படும். இதற்கான அறிவிப்பை மத்திய அமைச்சர் அசோக் கஜபதி ராஜூ இன்று (மே. 5-ம் தேதி) அறிவிக்க உள்ளதாக கூறப்படுகிறது.
