சோனியா, ராகுல் அப்பாயின்மெண்ட் குஷ்புவுக்கு கிடைத்த ரகசியம் இதுதான்!!
காங்கிரஸ் கட்சியின் அகில இந்திய தலைவர் சோனியா காந்தி மற்றும் துணைத்தலைவர் ராகுல்காந்தி ஆகிய இருவரையும் சந்திக்க காங்கிரஸ் கட்சியில் நீண்ட காலம் இருக்கும் பிரமுகர்களுக்கே எளிதில் அப்பாயின்மெண்ட் கிடைப்பதில்லை. ஆயினும் சமீபத்தில் கட்சியில் சேர்ந்த குஷ்புவுக்கு எளிதில் அப்பாயிமெண்ட் கிடைத்துவிடுகிறது.
இதன் ரகசியத்தை காங்கிரஸ் கட்சியின் மூத்த தலைவர் ஒருவர் கூறியபோது: ‘‘சோனியா, ராகுலை சந்திக்கும் சிலர், ஆக்கப்பூர்வமான விஷயங்களை எடுத்து வைப்பதில்லை. அதற்கு காரணம் மொழிப் பிரச்சினை. அதனால்தான் சிலருக்கு அப்பாயின்ட்மென்ட் தவிர்க்கப்படுகிறது. குஷ்பு அப்படி இல்லை. சொல்ல வேண்டிய விஷயத்தை இந்தி, ஆங்கிலம் இரண்டிலும் சரளமாகப் பேசி புரிய வைத்துவிடுகிறார். அவரது பாணி தலைமைக்கு பிடித்திருக்கிறது. அதனால்தான் அவருக்கு உடனுக்குடன் நேரம் ஒதுக்கப்படுகிறது’’ என்று கூறினார்.
ஆனால் குஷ்பு இதை மறுக்கின்றார். ‘அப்பாயின்ட்மென்ட் தருவதில் எனக்கென்று எந்த முக்கியத்துவமும் இல்லை. கட்சியின் தேசிய செய்தித் தொடர்பாளராக இருப்பதால் உடனடியாக நேரம் ஒதுக்கப்பட்டிருக்கலாம்’’ என்று கூறினார்.
இதுகுறித்து ஈவிகேஎஸ் இளங்கோவன் கூறியபோது, ‘‘சந்திக்க வேண்டிய நபராக இருந்தால் அது யாராக இருந்தாலும் உடனடியாக அப்பாயின்ட்மென்ட் கிடைத்து விடும். சந்திக்கக் கூடாத நபர்களுக்கு எந்தப் பதிலும் தராமல் தவிர்க்கப்பட்டுவிடும்’’ என்றார்.
