புதிய நிறுவனத்தின் கைக்கு போகிறதா ‘தெறி’
இளையதளபதி விஜய் நடித்து முடித்துள்ள ‘தெறி’ படத்தின் இசை வெளியீட்டு விழா வரும் 20ஆம் தேதி சென்னையில் புதியதாக வடிவமைக்கப்பட்டுள்ள கலைவாணர் அரங்கில் நடைபெறும் என கூறப்படுகிறது. இதற்கான அனுமதியை பெற முயற்சிகள் எடுக்கபட்டு வருவதாகவும் விரைவில் இதுகுறித்த அதிகாரபூர்வ அறிவிப்பு வெளியாகும் என்றும் கூறப்படுகிறது.
இந்நிலையில் ‘தெறி’ படத்தின் ஆடியோ உரிமையை பெற இரண்டு முன்னணி நிறுவனங்கள் போட்டி போடுகின்றன. ஆனால் இந்த இரண்டு நிறுவனங்களுக்கும் இந்த படத்தின் ஆடியோ உரிமை கிடைக்கப்போவதில்லை என்றும் தயாரிப்பாளர் கலைப்புலி எஸ்.தாணுவே சொந்தமாக ‘டைகர் ஆடியோ’ என்று நிறுவனத்தை தொடங்கி அதன்மூலமே இந்த படத்தின் ஆடியோ வெளியிடப்படும் என்றும் செய்திகள் வெளிவந்தவண்ணம் உள்ளது.
‘ராஜா ராணி’ இயக்குனர் அட்லி இயக்கியுள்ள ‘தெறி’ படத்தில் விஜய், சமந்தா, எமிஜாக்சன், இயக்குனர் மகேந்திரன், மொட்டை ராஜேந்திரன், ராதிகா உள்பட பலர் நடித்துள்ளனர். இந்த படத்திற்கு ஜி.வி.பிரகாஷ்குமார் இசையமைத்துள்ளார். இந்த படம் இவருக்கு 50வது படம் என்பது குறிப்பிடத்தக்கது.
