ரூ.150 கோடி கிளப்பில் இணைந்த முதல் விஜய் படம்
இளையதளபதி விஜய் நடித்த ‘தெறி’ திரைப்படம் கடந்த ஏப்ரல் மாதம் வெளியாகி உலகெங்கும் சூப்பர் ஹிட் ஆகியது என்பது அனைவரும் அறிந்ததே. இந்நிலையில் இந்த படம் ஏற்கனவே ரூ.100 கோடி கிளப்பில் இணைந்து சாதனை செய்த நிலையில் தற்போது ரூ.150 கோடி கிளப்பிலும் இணைந்துள்ளது. ரஜினி படத்தை அடுத்து ரூ.150 கோடி கிளப்பில் இணைந்த ஒரே தமிழ்ப்படம் இதுதான் என்பது குறிப்பிடத்தக்கது.
அட்லி இயக்கத்தில் விஜய் நடித்த ‘தெறி’ திரைப்படம் தயாரிப்பாளர், விநியோகிஸ்தர்கள், திரையரங்கு உரிமையாளர்கள் என அனைவருக்குமே பெரும் லாபத்தை கொடுத்துள்ளது. இந்த படத்தை திரையிட மறுத்த செங்கல்பட்டு திரையரங்கு உரிமையாளர்கள் பெரும் வருத்தம் அடைந்தனர்.
சென்னையில் மட்டுமே இந்த படம் ரூ.15 கோடி வசூலை தாண்டிவிட்டதாக செய்திகள் வெளிவந்துள்ளது. ஏற்கனவே கலைப்புலி எஸ்.தாணு தயாரிப்பில் விஜய் நடித்த துப்பாக்கி’ சூப்பர் ஹிட் ஆன நிலையில் மீண்டும் ஒரு சூப்பர் ஹிட் வெற்றியை இந்த கூட்டணி கொடுத்துள்ளது. எனவே ‘தெறி’ படத்திற்காக இந்த கூட்டணி மிக விரைவில் மீண்டும் இணையும் என எதிர்பார்க்கப்படுகிறது.
