‘தெறி’ படத்தின் தெறிக்க வைக்கும் பாடல்கள். புதிய தகவல்
இளையதளபதி விஜய், சமந்தா, எமிஜாக்சன் உள்பட பலர் நடித்துள்ள ‘தெறி’ படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது. இந்த படத்தின் ஆடியோ ரிலீஸ் மார்ச் மாதம் 20ஆம் தேதி சென்னையில் நடைபெறவுள்ளது. இந்த நிலையில் இந்த படத்தில் உள்ள பாடல்களின் எண்ணிக்கை மற்றும் பாடல்களின் விபரங்கள் குறித்த தகவல்கள் தற்போது வெளிவந்துள்ளது.
இந்த படத்திற்காக மொத்தம் 7 பாடல்களை இசையமைப்பாளர் ஜி.வி.பிரகாஷ் கம்போஸ் செய்துள்ளதாக தகவல்கள் வெளிவந்துள்ளது. இந்த படத்தின் முதல் பாடலாக அதாவது விஜய்யின் அறிமுகப்பாடலாக பிரபல இசையமைப்பாளர் தேவா பாடிய ‘ஜித்து ஜில்லாடி’ என்னும் பாடல் அமைந்துள்ளது.
அடுத்ததாக விஜய் மற்றும் நீதிமோகன் பாடிய செல்லாக்குட்டியே என்ற அதிரடி பாடல் அமைந்துள்ளது,.
மூன்றாவதாக சமீபத்தில் ஒலிப்பதிவு செய்யப்பட்ட ‘ ராங்கு ராங்கு ராங்கு ரங்கம்மா’ என்ற குத்துப்பாடலை டி.ராஜேந்தர் மற்றும் சோனு கக்கார் பாடியுள்ளனர்.
மேலும் இவை தவிர ஹரிஹரன் மற்றும் சைந்தவி பாடிய பாடல் ஒன்றும், விஜய் மகள் பாடுவதாக வரும் உத்ரா உன்னிகிருஷ்ணன் பாடல் ஒன்றும் ‘தெறி’ படத்தில் இடம்பெற்றுள்ளது.
