சீனாவில், ஒரே நீச்சல் குளத்தில் பத்தாயிரம் பேர் குளித்து சாதனை.

சீனாவில், ஒரே நீச்சல் குளத்தில் பத்தாயிரம் பேர் குளித்து சாதனை.

[carousel ids=”68099,68100,68101,68102,68103,68104″]

சீனாவில் தற்போது வெயில் கடுமையாக இருப்பதால் அனைவரும் விடுமுறை நாட்களில் தீம் பார்க்குகளை நோக்கி படையெடுக்கின்றனர். நேற்று விடுமுறை நாள் என்பதால், சீனாவில் புதியதாக திறக்கப்பட்ட ‘டெட் சீ’ என்ற தீம் பார்க்கில் ஆயிரக்கணக்கானோர் குவிந்தனர்.

அங்கிருந்த ஒரு மாபெரும் நீச்சல் குளத்தில் ஒரே நேரத்தில் சுமார் பத்தாயிரம் பேர் குளித்ததாக செய்திகள் வெளிவந்துள்ளது. உலக அளவில் ஒரே நேரத்தில் ஒரு நீச்சல் குளத்தில் பத்தாயிரத்திற்கும் மேற்பட்டோர் குளிப்பது இதுவே முதல்முறை என்று கூறப்படுகிறது.

ஆண்களும் பெண்களும் நீச்சல்டையில், இடுப்பில் ஒரு ரப்பர் டியூபை கட்டிக்கொண்டு நீச்சல் குளத்தில் குளிக்கும் காட்சியை அங்குள்ள ஒரு போட்டோகிராபர் புகைப்படங்களை எடுத்து சமூக வலைத்தளங்களில் பதிவுசெய்துள்ளார். இந்த புகைப்படங்கள் உலகம் முழுவதும் தற்போது மிக வேகமாக பரவி வருகிறது. ஒரே நேரத்தில் இவ்வளவு அதிகமானோர் நீச்சல் குளத்தில் குளித்தது குறித்து கின்னஸ் சாதனை நிறுவனத்திற்கு தெரிவிக்கப்படாததால், இந்த சாதனை பதிவு பெறாமல் போய்விட்டது என்பது குறிப்பிடத்தக்கது.