அஜித்தின் அடுத்த படத்தில் 3 நாயகிகளா? புதிய தகவல்
‘வேதாளம்’ வெற்றி படத்தை அடுத்து தல அஜித் நடிக்கவுள்ள அடுத்த படத்தை சிறுத்தை சிவா மீண்டும் இயக்கவுள்ள நிலையில் இந்த படத்தில் அஜித்துக்கு ஜோடியாக மூன்று நடிகைகள் நடிக்கவுள்ளதாக தற்போது செய்தி வெளியாகியுள்ளது. அனுஷ்கா, நயன்தாரா, ரித்திகாசிங் உள்பட பல நடிகைகள் பரிசீலனையில் உள்ளனர்.
இந்நிலையில் இந்த படத்தில் சந்தானம் காமெடி கேரக்டரில் நடிக்கவுள்ளதாக கூறப்படுகிறது. ஏற்கனவே அஜித்-சிவா கூட்டணியில் உருவான ‘வீரம்’ படத்தில் சந்தானத்தின் காமெடிக்கு பெரும் வரவேற்பு கிடைத்ததையடுத்து மீண்டும் இதே கூட்டணியில் சந்தானம் இணைவார் என கருதப்படுகிறது. சந்தானம் தற்போது ஹீரோவாக பிசியாக நடித்து கொண்டிருப்பதால் ஒருவேளை அவர் ஒப்புக்கொள்ளாவிட்டால் கருணாகரன் நடிக்க வாய்ப்பு இருப்பதாக கூறப்படுகிறது.
சத்யஜோதி பிலிம்ஸ் நிறுவனம் தயாரிக்கவுள்ள இந்த படத்திற்கு வெற்றி ஒளிப்பதிவும், மிலன் கலை இயக்குனராகவும், அனிருத் இசையமைக்கவும் உள்ளார். இந்த படம் வரும் ஜூலையில் படப்பிடிப்பு தொடங்கவுள்ளது.
