தமிழக அமைச்சரவை மாற்றம் செய்யப்படுவதாகவும், இதுவரை அமைச்சர்களாக இருந்த தாமோதரன், பச்சைமால் மற்றும் பி.வி.ரமணா ஆகியோர் நீக்கப்பட்டு அவர்களுக்கு பதிலாக அக்ரி கிருஷ்ணமூர்த்தி, வேலுமணி, கோகுல இந்திரா ஆகிய மூன்று புதிய அமைச்சர்கள் நியமிக்கப்படுவதாகவும் தமிழக அரசு செய்திக்குறிப்பு ஒன்று தெரிவித்துள்ளது. புதிய அமைச்சர்கள் மூவரும் இன்று கவர்னர் மாளிகையில் பதவியேற்பார்கள்.
புதிய அமைச்சர்களான அக்ரி கிருஷ்ணமூர்த்திக்கு வேளாண் துறையும், வேலுமணிக்கு நகராட்சி நிர்வாகம் மற்றும் ஊரக வளர்ச்சித்துறையும், கோகுல இந்திராவுக்கு கைத்தறித்துறையும் வழங்கப்படுகிறது.
மேலும் இன்று அதிமுஅ பொதுச்செயலாளர் அறிவித்துள்ள அறிவிப்பு ஒன்றில் தேர்தல் பணியில் சரியாக ஈடுபடாத தர்மபுரி, கன்னியாகுமரி மற்றும் புதுவை மாநில மாவட்ட செயலாளர்கள் நீக்கப்படுவதாகவும் அறிவித்துள்ளார்.
