சிவகார்த்திகேயனை இயக்கும் டைம் மிஷின் இயக்குனர்
தமிழின் முதல் டைம் மிஷின் படமான ‘இன்று நேற்று நாளை’ என்ற வெற்றிப் படத்தை இயக்கிய இயக்குனர் ரவிகுமார் தனது அடுத்த படத்தில் சிவகார்த்திகேயனை நடிக்க வைக்கவுள்ளதாக செய்திகள் வெளிவந்துள்ளது.
விஷ்ணுவிஷால், மியா ஜார்ஜ், கருணாகரன் உள்பட பலர் நடித்த ‘இன்று நேற்று நாளை’ என்ற டைம் மிஷின் படத்தை இயக்கிய ரவிகுமார், மீண்டும் ஒரு விஞ்ஞானம் கலந்த காமெடி படத்தை இயக்கவுள்ளார். இந்த படத்தில் சிவகார்த்திகேயன் ஹீரோவாக நடிக்கவுள்ளார். இந்த படத்தை ’24AM ஸ்டுடியோஸ்’ நிறுவனம் தயாரிக்கவுள்ளது.
இந்த படத்தில் சிவகார்த்திகேயனுக்கு ஜோடியாக நடிக்க பிரபல நடிகை ஒருவரிடம் பேச்சுவார்த்தை நடத்தப்பட்டு வருவதாகவும், இந்த படம் வரும் பொங்கல் தினத்தன்று பூஜையுடன் படப்பிடிப்பு நடக்கவுள்ளதாகவும் கூறப்படுகிறது.
சிவகார்த்திகேயன் ஏற்கனவே பாக்யராஜ் கண்ணன் இயக்கத்தில் ஒரு படத்தில் நடித்து வரும் நிலையில் ரவிகுமார் படத்திலும் நடிப்பதால் ஒரே நேரத்தில் இரண்டு படங்களில் நடிக்கின்றார் என்பது குறிப்பிடத்தக்கது.
