ரூ.300 டிக்கெட் குறித்த முக்கிய அறிவிப்பு: திருப்பதி தேவஸ்தானம்
ஒவ்வொரு நாளும் திருப்பதி ஏழுமலையானை தரிசனம் செய்ய லட்சக்கணக்கான பக்தர்கள் வருகை தந்து கொண்டிருக்கும் நிலையில் ரூபாய் 300 சிறப்பு தரிசன டிக்கெட்டுகள் குறித்த அறிவிப்பை திருப்பதி தேவஸ்தானம் சற்றுமுன் வெளியிட்டுள்ளது
திருப்பதி ஏழுமலையான் கோவிலில் ஜனவரி 1 முதல் 11 ஆம் தேதி வரையிலான ரூபாய் 300 சிறப்பு தரிசன டிக்கெட்டுகள் இன்று காலை 9 மணிக்கு வழங்கப்படும் என திருமலை திருப்பதி தேவஸ்தானம் அறிவித்துள்ளது
ஆன்லைன் மூலம் இந்த டிக்கெட்டுகளை பெறலாம் என்றும் திருப்பதி திருமலை தேவஸ்தானத்தின் அதிகாரபூர்வ இணையதளத்தில் சென்று பக்தர்கள் இந்த டிக்கெட்டுகளை பெற்றுக் கொள்ளலாம் என்று அறிவிக்கப்பட்டுள்ளது. இதனை அடுத்து இந்த டிக்கெட்டுகளை பெற அதிக அளவிலான பக்தர்கள் முன் வருவார்கள் என்று எதிர்பார்க்கப்படுகிறது.
