தமிழக சட்டமன்றத்தின் புதிய சபாநாயகர். ஜெயலலிதா அறிவிப்பு
நடைபெற்று முடிந்த தமிழக சட்டமன்ற தேர்தலில் 6வது முறையாக மீண்டும் முதல்வர் பதவியேற்ற ஜெயலலிதா, சட்டமன்ற சபாநாயகர் வேட்பாளராக தனபாலை அறிவித்துள்ளார். மேலும் துணை சபாநாயகர் வேட்பாளராக பொள்ளாச்சி ஜெயராமன் அறிவிக்கப்பட்டுள்ளார்.
இதற்கான தேர்தல் வரும் ஜூன் 3ஆம் தேதி நடைபெறுகிறது. இந்த இரண்டு பதவிகளுக்கும் திமுக வேட்பாளர்களை நிறுத்தாது என கருதப்படுவதால் போட்டியின்றி தேர்வு செய்ய வாய்ப்பு இருப்பதாக கூறப்படுகிறது. கடந்த 2011-2016 சட்டமன்றத்திலும் தனபால் சபாநாயகராகவும், பொள்ளாச்சி ஜெயராமன் துணை சபாநாயகராகவும் பதவி வகித்தனர் என்பது குறிப்பிடத்தக்கது.
மேலும் சட்டசபை அவை முன்னவராக ஓ.பன்னீர்செல்வம் அவர்களையும் அ.தி.மு.க சட்டமன்ற கொறடாவாக ராஜேந்திரன் அவர்களையும் முதல்வர் ஜெயலலிதா நியமனம் செய்துள்ளார்.
இந்த செய்தியையும் அப்படியே படித்துவிடுங்கள்: அதிமுக மாநிலங்களவை வேட்பாளர்கள் அறிவிப்பு
