மலேசியாவில் இன்று தேர்தல்: புதிய பிரதமர் யார்?
மலேசியாவின் அடுத்த பிரதமர் யார்? என்பதை முடிவு செய்யும் பாராளுமன்ற தேர்தல் இன்று நடைபெற்றது. இன்று இரவு வாக்குகள் எண்ணப்படவுள்ள நிலையில் நாளை காலைக்குள் அடுத்த பிரதமர் யார்? என்பது தெரிந்துவிடும்
222 உறுப்பினர்களை கொண்ட மலேசிய பாராளுமன்றத்துக்கு இன்று தேர்தல் நடைபெற்றது. இன்று காலை 8 மணிக்கு தொடங்கிய ஓட்டுப்பதிவு சற்றுமுன் முடிவடைந்தது. இந்த தேர்தலுக்காக அமைக்கப்பட்டுள்ள வாக்கு சாவடிகளில் வரிசையில் நின்று பொதுமக்கள் ஓட்டு போட்டனர்.
3 மணி நிலவரப்படி 69 சதவிகித வாக்குகள் பதிவாகியுள்ளது. வாக்கு எண்ணிக்கை முடிந்த நிலையில், வாக்கு எண்ணிக்கை சற்று நேரத்தில் தொடங்குகிறது. முடிவுகள் இன்று நள்ளிரவில் வெளியாகும் என எதிர்பார்க்கப்படுகிறது.
இந்த தேர்தலில் பிரதமர் நஜீப்பின் பி.என். கட்சி மீண்டும் வெற்றி பெறும் என கருத்து கணிப்பில் தெரிய வந்துள்ளது. அதே நேரத்தில் மகாதிர் முகமதுவின் எதிர்க் கட்சி கூட்டணியும் அதிக இடங்களை பிடிக்கும் என எதிர்பார்க்கப்படுகிறது. இதனால் தொங்கு பாராளுமன்றம் அமைந்தால் ஆட்சி அமைப்பதில் பி.ஏ.எஸ். கட்சி முக்கிய பங்கு வகிக்கும் என தெரிகிறது.
