திருச்சியில் திமுகவின் 10வது மாநில மாநாடு இன்று காலை 10 மணியளவில் தொடங்கியது. திமுக தலைவர் கருணாநிதி கொடியேற்றி தொடங்கி வைத்தார். இன்று கலைநிகழ்ச்சிகள், மற்றும் கட்சியின் பிரமுகர்கள் பேசுகின்றனர். நாளை இரவு திமுக தலைவர் கருணாநிதி பேருரை ஆற்றுகிறார். கூட்டணி கட்சி தலைவர்களும் நாளை கலந்து கொள்கின்றனர்.
இன்று இரவு 8 மணிக்கு திமுக பொதுச்செயலாளர் க.அன்பழகன் உரையாற்றுகிறார். மாநாட்டு பந்தலில் லட்சக்கணக்கான திமுக தொண்டர்கள் குவிந்துள்ளனர். இன்று காலை மாநாட்டுக்கு வந்த கருணாநிதி மற்றும் மு.க.ஸ்டாலினுக்கு உற்சாக வரவேற்பு கொடுக்கப்பட்டது.
இந்த மாநாட்டின் நாளை தனது உரையின்போது பாராளுமன்ற கூட்டணி குறித்து திமுக தலைவர் கருணாநிதி முக்கிய அறிவிப்பு ஒன்றை வெளியிடுவார் என்று கூறப்படுகிறது.
