விஜய்சேதுபதியை பாடாய் படுத்த தயாராகும் த்ரிஷா-நயன்தாரா
விஜய்சேதுபதி, நயன்தாரா நடிப்பில் விக்னேஷ் சிவன் இயக்கிய ‘நானும் ரெளடிதான்’ திரைப்படம் சமீபத்தில் வெளியாகி சூப்பர் ஹிட் ஆகிய நிலையில் மீண்டும் இதே குழுவினர் ஒரு படத்திற்காக இணையவுள்ளனர்.
இந்த புதிய படத்தை ‘வேதாளம்’ தயாரிப்பாளர் ஏ.எம்.ரத்னம் தயாரிக்கவுள்ளார். விஜய்சேதுபதி, நயன்தாரா நடிக்கும் இந்த படத்தில் த்ரிஷாவும் இணையவுள்ளதாக கூறப்படுகிறது.
கடந்த 10 வருடங்களுக்கும் மேல் த்ரிஷாவும், நயன்தாராவும் கோலிவுட் திரையுலகில் முன்னணி இடத்தில் இருந்தாலும், இந்த படம்தான் இருவரும் இணைந்து நடிக்கும் முதல்படம் என்பது குறிப்பிடத்தக்கது.
ஒரு அப்பாவி இளைஞன் இரண்டு சக்திவாய்ந்த பெண்களிடம் மாட்டிக்கொண்டு படும் பாட்டை வித்தியாசமான கோணத்தில் இந்த படத்தில் விக்னேஷ்சிவன் கூறவுள்ளாராம். இந்த படத்திற்கு அனிருத் இசையமைப்பார் என்று கூறப்படுகிறது. இந்த படம் குறித்த அதிகாரபூர்வமான அறிவிப்பு விரைவில் வெளிவரும் என கூறப்படுகிறது.
