பிரபல நடிகை த்ரிஷாவுடன் திருமண நிச்சயதார்த்தம் செய்து கொண்ட பிரபல தொழிலதிபர் வருண்மணியன் தற்போது தயாரிக்கவுள்ள ஒரு படத்தில் இருந்து த்ரிஷாவை திடீரென நீக்கிவிட்டு அதற்கு பதிலாக டாப்சியை ஒப்பந்தம் செய்துள்ளதாக கூறப்படுகிறது.
பிரபல தொழிலதிபரும் படத்தயாரிப்பாளருமான வருண்மணியன் தயாரிக்க இருக்கும் அடுத்த படத்தை இயக்குனர் திரு இயக்கவுள்ளார். இந்த படத்தில் ஜெய் முக்கிய வேடத்தில் நடிக்கின்றார். அவருக்கு ஜோடியாக முதலில் ஒப்பந்தம் செய்யப்பட்டிருந்த த்ரிஷா, இந்த படத்தில் இருந்து திடீரென விலகியதால் அவருக்கு பதிலாக டாப்சி நடிக்க ஒப்பந்தமாகியுள்ளார்.
த்ரிஷாவின் மேனேஜர் தயாரிக்கவிருக்கும் ஒரு படத்திற்கு அவர் மொத்தமாக கால்ஷீட் கொடுக்க வேண்டிய கட்டாயம் இருந்ததால் அவர் வருண்மணியனின் படத்தில் இருந்து விலகியதாக கூறப்பட்டது.
