தினகரனுக்கு திடீரென வந்த போன்கால்: மும்பை பறந்தது ஏன்?
அதிமுக அம்மா அணியின் துணைப்பொதுச்செயலாளர் டிடிவி தினகரன் திஹார் சிறையில் இருந்து ஜாமீனில் வந்ததில் இருந்தே பல அதிரடி நடவடிக்கைகளை எடுத்து வருகிறார். அந்த வகையில் இன்று அவர் திடீரென மும்பை புறப்பட்டு சென்றுள்ளார்.
தமிழக அதிமுக எடப்பாடி பழனிச்சாமி அணி, ஓ.பன்னீர்செல்வம் அணி மற்றும் டிடிவி தினகரன் அணி என்று மூன்றாக செயல்பட்டு வரும் அதிமுகவில் ,ஓபிஎஸ் மற்றும் ஈபிஎஸ் அணி இணைய மீண்டும் பேச்சுவார்த்தை தொடங்கவுள்ளதாக அமைச்சர் ஜெயகுமார் தெரிவித்துள்ளார்.
இந்த நிலையில் டிடிவி தினகரன் மும்பை புறப்பட்டு சென்றது எடப்பாடி அணியினருக்கு பெரும் அதிர்ச்சியை ஏற்படுத்தியுள்ளது. இது குறித்து டிடிவி தினகரன் ஆதரவாளர்கள் கூறும் போது, இன்று காலை தினகரனுக்கு போன் கால் ஒன்று வந்துள்ளது. போன் பேசிய பின்னர் விமான நிலையம் புறப்பட்டு சென்று காலை 7 மணிக்கு மும்பை செல்லும் விமானத்தில் புறப்பட்டு சென்றுள்ளார். முக்கிய விஐபி ஒருவரை சந்திக்க சென்றிருப்பதாக கூறுகின்றனர்.
