[carousel ids=”70769,70770,70772,70773,70774″]
சீனாவில் இரண்டு தலை மற்றும் மூன்று காதுகளுடன் வித்தியாசமான பிறந்த பன்றியை ஆச்சரியத்துடன் அந்நாட்டு மக்கள் பார்த்து வருகின்றனர்.
சீனாவை சேர்ந்த Xinkou என்ற பகுதியில் பன்றி பண்ணை வைத்திருக்கும் Yang Jinliang என்பவரது பண்ணையில் கடந்த சில நாட்களுக்கு முன்னர் பிறந்த ஒரு பன்றிக்கு மூன்று காதுகளும், இரண்டு தலைகளும் இருந்ததை கண்டு அவர் ஆச்சரியம் அடைந்தார். அந்த பன்றி தனது இரண்டு வாயினாலும் உணவுகளை சாப்பிடும் தன்மை கொண்டதாக இருந்தது. இருப்பினும் அதிகப்படியான உடல் எடை காரணமாக அந்த பன்றியால் எழுந்து நிற்கவோ நடக்கவோ முடியவில்லை.
வித்தியாசமாக பிறந்த அந்த பன்றியை விலங்குகள் காப்பகத்தில் பண்ணை உரிமையாளர் ஒப்படைத்துள்ளார். விலங்குகள் நல மருத்துவர்கள் அந்த பன்றியின் ஒரு தலையை அறுவை சிகிச்சை செய்து அகற்ற முடிவு செய்துள்ளதாக கூறப்படுகிறது. இரண்டு தலைகளுடன் பிறந்த பன்றியை பார்க்க விலங்குகள் நல மருத்துவமனைக்கு தினந்தோறும் நூற்றுக்கணக்கானோர் குவிந்து வருவதாக அந்நாட்டு ஊடகங்களில் செய்தி வெளியாகியுள்ளது.
