கமல்ஹாசனின் உத்தம வில்லன் திரைப்படம் பல தடைகளை தாண்டி நாளை மறுநாள் மே 1ஆம் தேதி உலகம் முழுவதும் பிரமாண்டமாக ரிலீஸ் ஆகவுள்ள நிலையில், கமலுடன் போட்டி போட்டிக்கொண்டு அவருடைய நண்பர்களின் மகள்களும் தங்கள் படத்தை வெளியிடுகின்றனர்.
கமல்ஹாசனின் நெருங்கிய நண்பர்களில் சூப்பர்ஸ்டார் ரஜினியும், பிரபல தெலுங்கு நடிகர் மோகன்பாபுவும் குறிப்பிடத்தக்கவர்கள். இந்நிலையில் கமல்ஹாசனின் ‘உத்தம வில்லன்’ தமிழ், மற்றும் தெலுங்கு ஆகிய இரண்டு மொழிகளில் ரிலீஸ் ஆகும் நிலையில் அதே தேதியில் ரஜினியின் மகள் ஐஸ்வர்யா தனுஷ் இயக்கிய ‘வை ராஜா வை’ என்ற தமிழ்த் திரைப்படமும், மோகன்பாபுவின் மகள் லட்சுமி மஞ்சுவின் ‘டொங்காட்டா’ என்ற தெலுங்கு திரைப்படமும் ரிலீஸ் ஆகிறது.
இரண்டு பெரிய ஸ்டார்களின் மகள்கள் கமல்ஹாசனுடன் மே 1ஆம் தேதி நேருக்கு நேர் மோதுகின்றனர். வெற்றி பெறுவது சீனியர் நடிகர் கமல்ஹாசனா? அல்லது இளையதலைமுறையா? என்பது இன்னும் இரண்டு நாட்களில் தெரிந்துவிடும்.
