‘கபாலி’ படத்திற்கு ‘யூ’ சான்றிதழ். ஜூலை 22 ரிலீஸ் உறுதி
சூப்பர் ஸ்டார் ரஜினிகாந்த் நடித்த ‘கபாலி’ திரைப்படத்தின் ரிலீஸ் தேதியை கோடிக்கணக்கான ரசிகர்கள் எதிர்பார்த்து காத்திருக்கும் நிலையில் இந்த படத்தின் சென்சார் முடிவுகள் தற்போது வெளிவந்துள்ளது. சென்சார் அதிகாரிகள் இந்த படத்தை எவ்வித கட்’டும் செய்யாமல் ‘யூ’ சான்றிதழ் கொடுத்துள்ளனர். இதனால் இந்த படம் தமிழக அரசின் வரிவிலக்கு சலுகையை பெற்றுவிடும் என்று எதிர்பார்க்கப்படுகிறது
‘கபாலி’ படத்தின் சென்சார் சான்றிதழ் கிடைத்துவிட்டதை அடுத்து இந்த படத்தின் ரிலீஸ் தேதி ஜூலை 22 என அதிகாரபூர்வமாக கலைப்புலி எஸ்.தாணு அறிவித்துள்ளார். எனவே இந்த படத்தின் ரிலீஸ் தேதி உறுதியாகிவிட்ட நிலையில் முழுவீச்சில் புரமோஷன் பணிகள் தொடங்கப்பட்டுள்ளன. மேலும் இந்த படத்தின் ரன்னிங் டைம் 152 நிமிடங்கள் என்றும் தயாரிப்பாளர் தரப்பில் இருந்து உறுதி செய்யப்பட்டுள்ளது
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய், கிஷோர் உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். கலைப்புலி எஸ்.தாணு தயாரித்துள்ள இந்த படத்தை பா.ரஞ்சித் இயக்கியுள்ளார்.
