அமெரிக்கா: குடியரசு கட்சியின் துணை அதிபர் வேட்பாளர் அறிவிப்பு
அமெரிக்க அதிபர் ஒபாமாவின் பதவிக்காலம் விரைவில் முடிவடைய உள்ள நிலையில் புதிய அதிபரை தேர்வு செய்ய வரும் நவம்பர் 8-ந்தேதி தேர்தல் நடைபெறுகிறது. இந்த தேர்தலில் குடியரசு கட்சியின் வேட்பாளராக டொனால்ட் டிரம்ப் போட்டியிடுகிறார். அவரை எதிர்த்து முன்னாள் அதிபர் பில் கிளிண்டனின் மனைவி ஹிலாரி கிளிண்டன் போட்டியிடுகிறார்.
இந்நிலையில் அதிபர் பதவிக்கு போட்டியிடும் டிரம்ப் தனது தேர்தல் பிரசாரத்தை தீவிரமாக செய்து வருகிறார். இதற்கிடையே குடியரசு கட்சியின் துணை அதிபர் வேட்பாளர் தேர்வும் நடைபெற்றது. குடியரசு கட்சியின் துணை அதிபர் வேட்பாளராக 57 வயது மைக் பென்ஸ் என்பவர் தேர்வு செய்யப்பட்டுள்ளதாக தகவல் வெளியாகி உள்ளது. இவர் தற்போது இண்டியானா மாகாணா கவர்னராக பணிபுரிகிறார்.
கடந்த 12 ஆண்டுகளாக குடியரசு கட்சியின் பாராளுமன்ற உறுப்பினராக இருந்துள்ள இவர் டொனால்டு டிரம்புக்கு மிகவும் நெருக்கமானவர். எனவே இவர் தேர்வு செய்யப்பட்டுள்ளதாக தெரிகிறது.
