பாஜக எம்.எல்.ஏவால் தாக்கப்பட்ட சக்திமான் குதிரை பரிதாப மரணம்
சமீபத்தில் நடந்த போராட்டத்தின் போது உத்தரகாண்ட் எம்.எல்.ஏ ஒருவரால் தாக்கப்பட்ட சக்திமான் என்ற குதிரை கடந்த சில நாட்களாக சிகிச்சை பெற்று வந்த நிலையில் இன்று காலை அந்த குதிரை பரிதாபமாக இறந்தது. இதனால் உத்தரகாண்ட் எம்.எல்.ஏவுக்கு எதிர்ப்புகள் அதிகரித்து வருகிறது.
கடந்த மார்ச் மாதம் உத்தரகாண்ட் மாநிலத்தில் நடைபெற்ற ஒரு போராட்டத்தில் பாஜகவை சேர்ந்த கணேஷ் என்ற எம்.எல்.ஏ சக்திமான் என்ற குதிரையை கம்பால் கடுமையாக தாக்கினார். இதனால் குதிரையின் இடது பின்னங்கால் முறிவடைந்தது. இதனையடுத்து உடைந்த கால் அகற்றப்பட்டு சமீபத்தில் செயற்கைக் கால் பொருத்தப்பட்டுள்ளது.
செயற்கை கால் பொருத்தப்பட்ட பின்னரும் நடப்பதற்கு மிகவும் சிரமப்பட்டு வந்த அந்த குதிரை உடல் நலக்குறைவு காரணமாக இன்று பரிதாபமாக உயிரிழந்தது. குதிரையை தாக்கியதாக பாஜக எம்.எல்.ஏ ஜோஷிக்கு எதிராக இன்று காலை முதல் கடும் கண்டனங்கள் சமூக வலைத்தளங்களில் பதிவு செய்யப்பட்டு வருகிறது. ஆனால், இந்த விவகாரத்தில் தான் குற்றமற்றவன் என்றும் குதிரையை தான் தாக்கவில்லை என்றும் பயமுறுத்தவே செய்ததாகவும் தெரிவித்துள்ளார். சக்திமான் என்ற வெள்ளை குதிரை கடந்த 7 ஆண்டுகளாக உத்தரகாண்ட் மாநில காவல் துறையில் பணி யாற்றி வந்தது என்பது குறிப்பிடத்தக்கது.
Chennai Today News: Uttarghand: Sakthimaan horse dead
