புலி-எலியால் அடிப்பட்ட சிம்புதேவன் – வடிவேலு மீண்டும் இணைகிறார்களா?
விஜய்யின் ‘புலி’ படத்தை இயக்கிய இயக்குனர் சிம்புதேவன் முதன்முதலில் ‘இம்சை அரசன் 23ஆம் புலிகேசி என்ற படத்தின் மூலம்தான் அறிமுகமானார் என்பது அனைவரும் அறிந்ததே. இந்நிலையில் ‘புலி’ படத்தின் தோல்வியால் துவண்டு போயிருந்த சிம்புதேவனுக்கு தற்போது மீண்டும் ஒரு பிரமாண்டமான படத்தை இயக்கும் வாய்ப்பு வந்துள்ளது.
எந்திரன்’ படத்தின் இரண்டாம் பாகத்தை தயாரித்து வரும் லைகா புரொடக்ஷன்ஸ் நிறுவனம், தற்போது ‘இம்சை அரசன் புலிகேசியின் இரண்டாவது பாகத்தை தயாரிக்க முன்வந்திருப்பதாகவும், இந்த படத்தை சிம்புதேவன் இயக்க மீண்டும் இரட்டை வேடங்களில் வடிவேலு நடிக்கவுள்ளதாகவும் கூறப்படுகிறது.
பெரிய பட்ஜெட் படமாக உருவாகவிருக்கும் இந்த படத்தின் மூலம் ‘புலி’யால் இழந்த தனது மார்க்கெட்டை மீண்டும் உயர்த்திக்கொள்ள சிம்புதேவனுக்கு ஒரு அரிய வாய்ப்பு கிடைத்துள்ளதாகவும் இந்த வாய்ப்பை இயக்குனர் ஷங்கர்தான் சிம்புதேவனுக்கு பெற்று தந்துள்ளதாகௌவ்ம் கூறப்படுகிறது. அதேபோல் கடந்த சில மாதங்களுக்கு முன் ‘எலி’ படத்தின் தோல்வியால் துவண்டு போயிருக்கும் வடிவேலுக்கும் இந்த படம் கைகொடுக்குமா? என்பதை பொறுத்திருந்துதான் பார்க்க்க வேண்டும்.
