மீண்டும் அஜித்துக்கு வில்லனாக ஆசைப்படும் பிரபல நடிகர்
அஜித் நடித்த சூப்பர் ஹிட் படமான ‘வேதாளம்’ படத்தில் மூன்று வில்லன்கள் இருந்தாலும் அதில் கபீர்சிங் நடிப்பு பெரிதாக பேசப்பட்டது. ‘என்னை அறிந்தால்’ படத்திற்கு பின்னர் அருண்விஜய்க்கு மார்க்கெட் சூடு பிடித்தது போல் ‘வேதாளம்’ படத்திற்கு பின்னர் கபீர்சிங்கிற்கு தமிழ், தெலுங்கு படங்களில் நடிக்க அதிக வாய்ப்புகள் கிடைத்தன.
அஜித் நடிக்கவுள்ள அடுத்த படமான ‘அஜித் 57’ படத்திற்கு தற்போது வில்லன் நடிகரை தேர்வு செய்யும் பணியில் இயக்குனர் சிறுத்தை சிவா உள்ளார். இந்நிலையில் நேற்று கபீர்சிங் டுவிட்டரில் ரசிகர்களுடன் உரையாடியபோது ‘மீண்டும் அஜித் படத்தில் நடிக்கும் வாய்ப்பு கிடைத்தால் மிகுந்த சந்தோஷம் அடைவேன். ‘வேதாளம்’ படத்தின் போது அஜித்துடன் நான் நடித்த 25 நாட்களும் எனது வாழ்வில் மறக்க முடியாத நாட்கள் என்று அவர் கூறியுள்ளார்.
எனவே அஜித் 57 படத்திலும் வில்லனாக நடிக்க கபீர்சிங்கிற்கு வாய்ப்பு அதிகம் இருப்பதாக கூறப்படுகிறது. சத்யஜோதி பிலிம்ஸ் பிரமாண்டமாக தயாரிக்கவுள்ள இந்த படத்திற்கு அனிருத் இசையமைக்கவுள்ளார். இந்த படத்தின் படப்பிடிப்பு வரும் ஜூலை முதல் தொடங்கவுள்ளது.
