அஜித் படத்தின் ஓப்பனிங் வசூல். அசந்து போன கோலிவுட்
எந்த ஒரு படமும் தராத மாஸ் ஓப்பனிங் வசூலை அஜீத்தின் ‘வேதாளம்’ திரைப்படம் கொடுத்துள்ளதால் கோலிவுட் திரையுலகம் ஆச்சரியத்தில் மூழ்கியுள்ளது. ‘புலி’ உள்பட பல பெரிய பட்ஜெட் படங்கள் தற்போது வரிசையாக அடிவாங்கி வரும் நிலையில், அஜீத்தின் படம் கொடுத்த ஓபனிங் வசூல் அனைவரையும் அசர வைத்துள்ளது.
முதல் நாளில் 15 கோடி, இரண்டு நாட்களில் 25 கோடி மற்றும் மூன்று நாட்களில் 33 கோடி என வசூலின் தொகை ஏறிக்கொண்டே செல்வதால் தயாரிப்பாளர்களுக்கு மகிழ்ச்சியையும், அஜீத்தின் எதிரிகளுக்கு பொறாமையையும் ஏற்படுத்தியுள்ளது. ஆனால் வழக்கம்போல் வெற்றி தோல்வி குறித்து எவ்வித கவலையும், சந்தோஷமும் இன்றி அஜீத் தன்னுடைய அறுவை சிகிச்சை வேலையை நேற்று முடித்து கொண்டார்.
தமிழகம், இந்தியாவில் மட்டுமின்றி உலகம் முழுவதும் அஜீத் படம் கொடுத்த வசூல் மிகப்பெரிய அளவில் இருந்ததாக கூறப்படுகிறது. அஜீத்தை பற்றி தெரியாத பல வெளிநாட்டினர் இவர் யார்? என்று தமிழர்களிடம் கேட்டு தெரிந்து கொள்வதாகவும், அஜீத்தை கூகுளில் பல வெளிநாட்டினர் தேட ஆரம்பித்துள்ளதாகவும் செய்திகள் வெளிவந்துள்ளது.
