இன்று நள்ளிரவில் ‘வேதாளம்’ தரிசனம். தயாராகும் அஜீத் ரசிகர்கள்
இளையதளபதி விஜய் நடிப்பில் உருவாகியுள்ள ‘புலி’ திரைப்படம் நாளை வெளியாகவுள்ள நிலையில் நாளை அதிகாலை 12 மணியளவில் அஜீத் நடித்த ‘வேதாளம்’ படத்தின் டீசர் வெளிவரும் என அதிகாரபூர்வமாக அறிவிக்கப்பட்டுள்ளது.
முதன்முதலாக அஜீத் படத்திற்கு பாடல் ஒன்றை எழுதியுள்ள பிரபல பாடலாசிரியர் மதன்கார்க்கி, இன்று தனது டுவிட்டரில் இதுகுறித்து தனது கருத்தை பதிவு செய்துள்ளார். சற்று முன்னர் ‘வேதாளம்’ படத்தின் டீசரை தான் பார்த்ததாகவும், மிக அற்புதமாக இந்தடீசர் சிறுத்தை சிவாவின் குழுவினர்களால் உருவாக்கப்பட்டுள்ளதாகவும் அவர் தெரிவித்துள்ளார்.
ஒரே நாளில் விஜய்யின் ‘புலி’ திரைப்படமும், அஜீத்தின் ‘வேதாளம்’ டீசரும் வெளியாகவுள்ளதால் விஜய் மற்றும் அஜீத்தின் ரசிகர்களிடையே பெரும் பரபரப்பு ஏற்பட்டுள்ளது. வழக்கம்போல ஃபேஸ்புக், டுவிட்டரில் புலி-வேதாளம் போர் ஆரம்பித்துவிட்டதாக கூறப்படுகிறது.
