‘விஜய் 59’ படத்தின் பட்ஜெடை குறைத்தது ஏன்? பரபரப்பு தகவல்
விஜய் நடித்து வரும் ‘விஜய் 59’ படத்தின் டைட்டில் மற்றும் ஃபர்ஸ்ட் லுக் வரும் 26ஆம் தேதி வெளியாகவுள்ள நிலையில் இந்த படத்தின் படப்பிடிப்பு தற்போது கோவாவில் விறுவிறுப்பாக நடைபெற்று வருகிறது.
இந்நிலையில் இந்த படத்தின் ஒரு பாடல் காட்சியும் முக்கிய காட்சிகளும் சீனாவில் படமாக்கப்படவுள்ளதாக முதலில் கூறப்பட்டது. ஆனால் தற்போது அந்த பாடல் காட்சியை சென்னையிலேயே செட் போட்டு எடுத்துவிட்டதாக கூறப்படுகிறது.
ஒரே நேரத்தில் ரஜினிகாந்த், விஜய் ஆகிய இரண்டு பெரிய நடிகர்களின் படங்களை தயாரிப்பதால் ‘விஜய் 59’ படத்தின் பட்ஜெட்டை தாணு குறைத்துவிட்டதாக கூறப்படுகிறது. அதனால்தான் சீனாவுக்கு பதிலாக சென்னையிலேயே படப்பிடிப்பு முடித்துவிட்டதாக கூறப்படுகிறது.
அதே நேரத்தில் ரஜினியின் கபாலி படத்திற்கு முடிவு செய்த பட்ஜெட்டைவிட அதிகம் செலவு செய்ய ரஞ்சித்துக்கு தாணு அனுமதி வழங்கியுள்ளதாகவும் கூறப்படுகிறது.
