ஷங்கரின் பிரமாண்டத்தில் விஜய்-சமந்தா பாடல்
‘ராஜா ராணி’ இயக்குனர் அட்லியின் இயக்கத்தில் விஜய் நடித்து வரும் ‘விஜய் 59’ படத்தின் அடுத்த கட்ட படப்பிடிப்பு நேற்று முதல் தொடங்கியுள்ளது. இந்த படப்பிடிப்பில் விஜய்யுடன் எமி ஜாக்சன் இணைந்துள்ளார். நேற்று விஜய்-எமிஜாக்சன் சம்பந்தப்பட்ட காட்சிகளின் படப்பிடிப்பு நடைபெற்றது.
இந்நிலையில் விஜய்-சமந்தா நடித்த ‘செல்லாக்குட்டி’ பாடல் காட்சிகள் குறித்த சில தகவல்கள் தற்போது வெளிவந்துள்ளது. இந்த பாடலில் ஏராளமான கம்ப்யூட்டர் கிராபிக்ஸ் காட்சிகள் இணைக்கப்பட்டுள்ளதாகவும், இந்த பாடல் முழுக்க முழுக்க ஷங்கர் பாணியில் பிரமாண்டமாக அமைந்திருப்பதாகவும் கூறப்படுகிறது.
ஷங்கரின் உதவியாளாராக இருந்து வந்தவர் அட்லி என்பதால் அவரது பாணியில் அமைக்கப்பட்டுள்ள இந்த பாடல் விஜய் ரசிகர்களுக்கு வித்தியாசமான உணர்வை ஏற்படுத்தும் என்று கூறப்படுகிறது.
மேலும் இந்த படத்திற்கு ‘காக்கி’ என்ற டைட்டிலுக்கு விஜய் ஓகே சொல்லிவிட்டதாகவும், வரும் தீபாவளி தினத்தில் டைட்டிலுடன் கூடிய ஃபர்ஸ்ட் லுக் வெளிவரும் என்றும் கூறப்படுகிறது.
English Summary: Vijay 59′ song just like that Shankar’s song
