விஜய்-மகேஷ்பாபு இணையும் பிரமாண்டமான படத்தில் சுந்தர் சி
தெலுங்கு சூப்பர் ஸ்டார் மகேஷ்பாபு நடித்த பல வெற்றி படங்களின் ரீமேக்கில் இளையதளபதி விஜய் நடித்தூள்ளார். இந்நிலையில் இருவரும் ஒரே படத்தில் இணைந்து நடிக்கவுள்ளதாக ஆச்சரியமான தகவல் ஒன்று வெளிவந்துள்ளது.
ஸ்ரீதேனாண்டாள் பிலிம்ஸ் தயாரிக்கும் 100வது படமான ‘சங்கமித்ரா’ படத்தின் ஆரம்பகட்ட பணிகள் தொடர்ந்து நடைபெற்று வருகிறது. இந்த படத்தின் பட்ஜெட் சுமார் ரூ.300 கோடிக்கும் அதிகம் என்பதால் இந்த படத்தில் மிகப்பெரிய ஹீரோ ஒருவரை புக் செய்ய இயக்குனர் சுந்தர் சி தீவிரமாக உள்ளார்.
தமிழில் விஜய், தெலுங்கில் மகேஷ்பாபு, இந்தியில் அக்சயகுமார் என முடிவு செய்துள்ள சுந்தர் சி, விஜய், மற்றும் மகேஷ்பாபுவிடம் பேச்சுவார்த்தையை முடித்துவிட்டதாகவும் விரைவில் அக்சயகுமாரிடம் அவர் பேசவுள்ளதாகவும் கூறப்படுகிறது. மேலும் மூன்று மொழிகளிலும் முன்னணி நடிகை ஒருவரே நடிப்பார் என தெரிகிறது.
ஏற்கனவே இந்த படத்தின் இசையமைப்பாளர் ஏ.ஆர்.ரஹ்மான் என்றும் கலை இயக்குனராக சாபுசிரில் என்றும், கிராபிக்ஸ் நிபுணராக கமலக்கண்ணன் என்றும் முடிவு செய்யப்பட்டுள்ள நிலையில் விரைவில் ஹீரோ, ஹீரோயின் அறிவிப்பும் வெளிவரும் என்று கூறப்படுகிறது.
