இளையதளபதி விஜய் தற்போது ‘புலி’ என்ற படத்தில் நடித்து வருகிறார் என்பது அனைவரும் தெரிந்ததே. இந்நிலையில் விஜய்க்கு போட்டியாக விஷால் தனது அடுத்த படத்தில் தலைப்பை ‘பாயும் புலி’ என வைத்திருப்பதாக கூறப்படுகிறது.
ஏற்கனவே விஜய் நடித்த ‘கத்தி’ படத்தின் ரிலீஸ் நாளில் தனது ‘பூஜை’ படத்தை வெளியிட்ட விஷால், தற்போது மீண்டும் விஜய்யுடன் மோதவுள்ளாரா? என்று கோலிவுட்டில் பரபரப்பு ஏற்பட்டுள்ளது.
விஜய் நடித்து வரும் ‘புலி’ படப்பிடிப்பு வரும் மே மாதம் முடிவடைந்து விஜய் பிறந்த நாளான ஜூன் 22 ஆம் தேதி வெளியிட திட்டமிட்டிருக்கும் நிலையில் விஷாலும் தற்போது ஆரம்பிக்கவுள்ள ‘பாயும் புலி’ படத்தை குறுகிய காலத்தில் முடித்து மீண்டும் விஜய்யுடன் போட்டியிடுவார் என எதிர்பார்ப்பு ஏற்பட்டுள்ளது.
‘பாயும் புலி’ படத்தில் விஷாலுக்கு ஜோடியாக நடிக்க காஜல் அகர்வால் ஒப்பந்தம் செய்யப்பட்டுள்ளார். இந்த படத்திற்கு டி.இமான் இசையமைக்க சுசீந்திரன் இயக்கவுள்ளார். இந்த படத்தின் படப்பிடிப்பு ஏப்ரல் மாதத்தில் தொடங்கும் என எதிர்பார்க்கப்படுகிறது.
