விஜய் ஆண்டனியின் அடுத்த படத்தை இயக்கும் பெண் இயக்குனர்
பிச்சைக்காரன், சைத்தான், எமன் என மூன்று வெற்றி படங்களை வரிசையாக கொடுத்த விஜய் ஆண்டனி தற்போது ‘அண்ணாதுரை’ என்ற படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படம் வரும் ஆகஸ்ட் மாதம் திரைக்கு வரும் என்று எதிர்பார்க்கப்படுகிறது.
இந்த நிலையில் விஜய் ஆண்டனியின் அடுத்த படத்தை பெண் இயக்குனரான கிருத்திகா உதயநிதி இயக்கவுள்ளார். இந்த படத்திற்கு ‘காளி’ என்ற டைட்டில் வைக்கப்பட்டுள்ளது. இந்த தகவலை விஜய் ஆண்டனி தனது டுவிட்டரில் உறுதி செய்துள்ளார்
கிருத்திகா உதயநிதி ஏற்கனவே சிவா நடித்த ‘வணக்கம் சென்னை’ படத்தை இயக்கியவர் என்பது குறிப்பிடத்தக்கது. விஜய் ஆண்டனி பிலிம்ஸ் கார்ப்பரேசன் தயாரிக்கும் இந்த படத்தின் படப்பிடிப்பு வரும் மே மாதம் முதல் தொடங்கவுள்ளதாக கூறப்படுகிறது.
