கடந்த 7ஆம் தேதி உலக நாயகன் கமல்ஹாசன் தனது 60வது பிறந்தநாளை வெகுசிறப்புடன் கொண்டாடினார். தனது ரசிகர்களுடன் இணைந்து சென்னை உள்ள ஒரு ஏரியை சுத்தம் செய்த கமல்ஹாசன், பின்னர் நள்ளிரவில் கோலிவுட் நட்சத்திரங்களுடன் இணைந்து பாட்டு, டான்ஸ் என அமர்க்களமாக தனது பிறந்த நாளை கொண்டாடியுள்ளார்.
தனது பிறந்த நாள் நவம்பர் 7ஆம் தேதி இரவில் சென்னையில் உள்ள நட்சத்திர ஓட்டல் ஒன்றில் நடந்த பிரமாண்ட விருந்தில் கலந்து கொண்ட கமல் மிகவும் உற்சாகமாக காணப்பட்டார். இந்த விழாவில் விஜய் உள்பட பிரபல நட்சத்திரங்கள் பலர் கலந்துகொண்டு கமலுக்கு வாழ்த்து தெரிவித்தனர். இந்த விழாவின் நடுவே சகலகலாவல்லன் படத்தில் இடம்பெற்ற ‘இளமை இதோ இதோ’ என்ற பாடலுக்கு கமலுடன் விஜய் நடனம் ஆடினார். இவர்களுடன் ராதிகா உள்பட ஒருசில நடிகைகளும் ஆட்டம் போட்டனர்.
இந்த ஆட்டத்தை விழாவுக்கு வந்திருந்த ஒருவர் வீடியோ எடுத்து யுடியூப் இணையதளத்தில் பதிவு செய்துள்ளார். இந்த வீடியோ தற்போது ஃபேஸ்புக், டுவிட்டர் போன்றவற்றில் வெகுவேகமாக பரவி வருகிறது.
[embedplusvideo height=”400″ width=”600″ editlink=”http://bit.ly/10JOa1b” standard=”http://www.youtube.com/v/piAQpJnvKeA?fs=1″ vars=”ytid=piAQpJnvKeA&width=600&height=400&start=&stop=&rs=w&hd=0&autoplay=0&react=1&chapters=¬es=” id=”ep2166″ /]